قالت الفنانة سما المصرى إنها على تواصل مستمر مع الكينج محمد منير، وتحرص على الاطمئنان على صحته بشكل مستمر خاصةً أنه يجرى فحصا طبيا في ألمانيا.

وتابعت سما تعليقًا على الضجة التي حدثت مؤخرًا بعد نشرها فيديو تقلد أغنية محمد منير عبر إنستجرام، "آخر مرة كان زعلان وقال لى بلاش الصور المكشوفة بتاعتك اللى بتنزل اليومين دول علشان الناس بتستجدعك وبتقول عليكى ست بـ100 راجل.

أضافت: بس أنا بحب أتصور ومش شايفة صورى أوفر بالعكس أنا أقل من فنانين كتير بس يمكن عشان السياسة وترشحى للبرلمان وكده أمال لما يعرفوا انى هترشح للمجالس المحلية هيعملوا ايه".

كانت سما نشرت مؤخرًا فيديو لها عبر حسابها الشخصى على موقع الصور الشهير "إنستجرام" وعلقت عليه قائلةً "ايه رايكم ف المفاجأة محمد منير دا حبيبي واخويا وعشره عمر وما اقدرش أقلده بس من كتر حبي فيه مندمجة في الأغنية..أنا عارفه أنه مش هيزعل عشان هو كمان بيعزني وقلبه كبير.. حبيبي منير".