|
قال الفنان حسين أبو الحجاج، ردا على شائعة وفاته، إنه كان في منزله يستعد لصلاة العصر، مبديا استغرابه واندهاشه من مروج تلك الشائعات.
وأضاف "أبو الحجاج"، خلال حواره مع برنامج "ست الحسن" عبر قناة "on e"، اليوم الأحد: "أنا ماكنتش تعبان ولا حاجة، أنا كنت بستعد لصلاة العصر، لقيت جوز بنتي الكبيرة بيتصل بس مرضيش يقولي لما رديت عليه، لكن جوز بنتي التانية اتصل وقالي على الشائعة".
وتابع: "أنا مستغرب من اللي طلع الشائعة، وعمل ليه كده، بس الموضوع ده عرفني الناس قد إيه بتحبني رغم إني بعمل أدوار صغيرة، أنا صوتي راح من كتر الرد على التليفون".
|
