|
علق رجل الأعمال المهندس نجيب ساويرس على سؤال أحد متابعي حسابه على تويتر، قال فيه: "إنت قاعد طول النهار على تويتر، بتعمل فلوس إمتى؟"، قائلًا: "عملتها خلاص".
وتابع في بث مباشر له مع برنامج "معكم" للإعلامية منى الشاذلي: "الناس بتختصر الإنسان بعيد عن إنسانيته أو عقله أو مشاعره أو شخصيته في إنه شوال فلوس، وكأن الفلوس دى بتمطر من السما، ودي نظرة ضيقة وملهاش أي معنى، وجزء كبير من اللي على تويتر بيقعوا في الغلطة دي".
وأضاف: "وأنا مش برد غير على الناس اللى عندهم إحساس إن ده ممكن يبقى بنى آدم عنده مواصفات كويسة بعيدا عن مسألة الفلوس دى، أصل المادة مش كل حاجة والفلوس عمرها ما هتشترى محبة الناس أو السعادة، وده مش كلام كتب".
يذكر أن رجل الأعمال المهندس نجيب ساويرس فاز بشخصية العام في مصر باستفتاء برنامج "معكم" مع الإعلامية منى الشاذلي، وذلك بعد منافسة شديدة بينه وبين السفيرة مشيرة خطاب مرشحة مصر لمنصب المدير العام لليونسكو، وهاني أبو ريدة رئيس اتحاد الكرة المصري، وأعلنت منى الشاذلي النتيجة في حلقة الليلة.
|
