|
قال العالم المصرى الدكتور فاروق الباز ، إنه مستقر فى منزله بجوار واشنطن منذ بداية انتشار فيروس كورونا، مضيفاً، "موجود هنا في بيتى في أمريكا، ما بخرجش وبجيب كل حاجة بالتليفون، وعودتى لمصر في هذا الوقت أمر صعب جداً، وبالتالي هفضل في البيت لغاية ما الفيروس يمشي تماماً، بحيث تبقى الدنيا آمنة".
وأضاف الباز، في رده على تقييمه لإدارة ترامب للأزمة الراهنة، بقوله، : "دى أول مرة كارثة تحصل في أمريكا بهذا الشكل الوحشى، والراجل مكنش منتظر حاجة كبيرة زى دى تحصل، ومعرفش يتصرف في بداية الأمر، لذلك فهو مهزوز شوية، الموضوع صعب على أي حد مكانه، عندنا 350 مليون نسمة موجودين في 50 ولاية، وكل ولاية ليها رئيس، غلبان وعمره ما إتعرض لمشكلة زى دى، مهم نساعده شوية علشان نمشى الحال".
وبشأن الاتهامات التي وجهها ترامب لمنظمة الصحة العالمية الفترة الماضية، قال العالم المصرى فاروق الباز، إن ترامب ضد كل المنظمات العالمية، متابعاً، : "هو إتأخر شوية، فعاوز يجيب اللوم على غيره، حتى ما يشاع من اتهامات بين أمريكا والصين سببها كده بردو، الناس أول مرة يحصل حاجة زى كده، كل واحد عاوز يلوم حد تانى، احنا كنا مبسوطين بس انتوا اللى جبتوا لينا البلوة دى".
|
