قال الفنان أحمد فلوكس، إنه تعرض للسحر، مما أدى إلى ضعف جسده، مؤكدا ان المواظبة على قراءة القرآن ساعدته على العلاج.
وأكد أنه سافر دبى وبدأ في التحسن هناك بفضل القرآن والصلاة والذكر.
وأضاف أحمد فلوكس في تصريحات تليفزيونية: "تعرضت للغدر من كل اللى حوليا، والست اللى عملت لى السحر ده اتجوزتها للأسف وكانت بعد هنا شيحة وهى كانت السبب فى طلاقنا".
ولفت إلى أن تلك الشخصية قالت له فى مواجهة "مش هتعرف تمسك عليا حاجة"، ووصلت إلى أنى كنت بعمل عمرة وببقى عصبى جدًا كل مرة.
وأضاف: "اكتشفت انى بقالى 3 أشهر مش شايف حاجة وكل اللى حواليا بيخونونهى ومش مدرك أى حاجة، كنت مش موجود، ومش مركز وتايه، مشددًا أن السحر الأسود هو السبب وراء واقعة فرد الأمن الذى حدثت منذ فترة.
وتابع " أنا كنت بسرح لها شعرها يوميا لمدة سنة، وأنا فاكر إن شعرها ناعم وطلعت قرعة وأنا مش شايف".، مضيفًا "كان بيحصل حاجات غريبة، حاجات بتولع في البيت وأنا خلال الفترة دى كبرت فوق عمرى سنين، وكنت رياضي جدا بلعب جميع ألعاب الفنون القتالية، وأصبحت مش قادر أقوم من السرير".
وأشار فلوكس إلى أنه اكتشف حاجات أخرى غير السحر في هذه الشخصية، مضيفا: "هحبسها بسببها وفي قضايا بينى وبينها".
