بعد تعرضها للاتهامات من قبل بعض أعضائها نفت صفحة "كلنا خالد سعيد" على موقع التواصل الاجتماعى "فيس بوك" تبعيتها لأى فصيل أو تيار أو جهة محددة وأنها لا تتلقى أوامر من أحد.

وأكدت "كلنا خالد سعيد" أنها بما أنها ليست جزءًا من معركة الاستقطاب والصراعات والشتائم المتبادلة بين المصريين من اتجاهات مختلفة فكل طرف في وقت معين يشعر أن الصفحة ضد التيار التابع له.

واستنكرت الصفحة الطريقة السطحية في تقييم أدائها، مؤكدة أن أدمن الصفحة كلهم لا ينتمون لأي أحزاب أو تيارات أو جماعات ولا يتلقون أوامرهم من أحد.

وقالت "كلنا خالد سعيد"، أحد أسباب ثورة 25 يناير، والتى يتجاوز عدد أعضائها المليونى عضو، ما نصه: (بالنسبة للناس اللي شايفين إن الصفحة "قذرة" و"موجهة" و"تبع فلان ولا علان" و"الأدمن شربوا شاي بالياسمين")

(أولاً: الصفحة بتبحث عن الحقيقة دائما ومش بتلاقي أي مشكلة إنها تعتذر لو أخطأت في أي خبر، وبالمناسبة عمر الصفحة ما بتنشر خبر إلا إذا كان منشور في أكثر من وسيلة إعلام ونسبة صحته مرتفعة).

(ثانيًا: الصفحة مش تابعة لحد، ولا بتاخد أوامرها من حد، بس عشان الصفحة مش جزء من معركة الاستقطاب والصراعات والشتائم المتبادلة بين المصريين من اتجاهات مختلفة فكل طرف في وقت معين بيحس إن الصفحة ضد التيار اللي هو تابع ليه. صفحتنا اتقال عليها وقت محمد محمود وماسبيرو ومجلس الوزراء ومايو 2011و إنها ليبرالية وضد الإسلاميين.. ودلوقتي بيتقال عليها تابعة للاخوان وبتدافع عن محمد مرسي وبتاخد أوامرها من المرشد.. للأسف الطريقة السطحية دي في تقييم أداء الصفحة مش بيعبر عن روحها.. أدمن الصفحة كلهم مش منتميين لأي أحزاب أو تيارات أو جماعات ولا بياخدوا أوامرهم من حد.. احنا بنجتهد في البحث عن الحقيقة بغض النظر الحقيقة في مصلحة مين .. وبندافع عن حقوق أي إنسان بغض النظر عن انتمائه .. وبنؤمن إن مصر مش أشخاص ولا أحزاب ولا تيارات .. مصر وطن).

(ثالثا: نصيحة لبعض الشباب اللي بيشوف إنه "جامد" لما بيعلق بالشتائم والألفاظ السوقية بالأب والأم: راجع نفسك عشان معتقدش اللي انت بتعمله في الاتجاه الصحيح).(أتمنى كلامنا ميضايقش حد والناس تفهمه زي ما نقصد نشرحه).