اعتذر الإعلامي الساخر باسم يوسف برنامجة "البرنامج" إلى الإعلامي عماد أديب عقب سخريته في الحلقة السابقة من برنامجه "بهدوء"، قائلا : "ساعات الواحد بيتعدى الحدود وناس بتزعل مننا ومش عيب إن الواحد يعتزل وأستاذ عماد زعل من اللي إحنا قولناه، وأستاذ عماد قيمة إعلامية عظيمة وأحب أستفيد من نصايحه".

وعرض "باسم" فيديو للإعلامي عماد أديب وهو يطلب منه شراء 3 "بطاطين".. وعلق قائلا: "بطاطين؟! حضرتك عاوز مني إيه بالظبط؟! انت فهمتني غلط أنا مش جي القناة عشان كدة، وليه 3 بطاطين أنا واحدة بتكفيني بس الـ 2 الزيادة دول لمين؟!". ونفى باسم ما قاله أديب بأنه وصف الإعلامية لميس الحديدي بأنها "رداحة" قائلا : "أنا بس قلت أني بخاف منها، ومقولتش على خيري رمضان أنه مضطرب أنا قولت إنه حنين، وعادل حمودة بينور أي قناة بيروحها.

وأنا مقولتش إن محمد الأمين رئيس القناة بيحط الفلوس في سندوتشات الهمبورجر ده كان سندوتش دولارات بس". وأضاف "باسم" قائلاً: "أستاذ عماد إنه عمل 16 ألف حلقة في تاريخه ولما حسبناها أنه هيعمل 3 حلقات في الأسبوع فاكتشفنا إنه بقاله 86 سنة بيقدّم برامج، ده كده أقدم من "مشروع النهضة".