استضاف الفنان هانى رمزى مُقدم برنامج "الليلة مع هانى" الذى يذاع على قناة "mbc مصر" الإعلامي أكرم حسني الذي يتقمص شخصيته الشهيرة "سيد أبوحفيظة" حيث قدم أكرم حسني فاصلًا من الكوميديا الساخرة حول الأوضاع السياسية والدستور الجديد، وبعث سيد أبو حفيظة برسالة إلى الرئيس محمد مرسى قال فيها:

• 
    سيدي الرئيس.. هاديك ورقة وأديك قلم..


• 
   اكتبلي إيه الإنجازات.. اكتبلي إيه ذنب اللي مات..


• 
   اكتبلي وصفة، عشان ماموتش من الحسرة.. من كتر السُكات..


• 
   أصل السُكات أصبح خرس.. احكيلي ليه كتروا الحرس..


• 
   ليه الولاد ماتوا على القضيب.. في المدرسة سِكت الجرس..


• 
   سيدي الرئيس.. مع الألم، رزمة ورقة.. احسب لي كام قلب اتحرق، على إبن راح من غير وداع.. على حلم عمره اللي اتسرق..


• 
   تقدر تقولي حضرتك سوِّدت ليه شاشة دريم.. لو ده النظام.. تقدر تقولي فرقت إيه عن القديم؟


• 
   الرأي ضدك اختلاف.. مش خلاف ولا رزالة.. واختلاف الرأي أصلا من الحرية والعدالة


• 
   سيدي الرئيس الحسرة ماليه قلوب كتيرة.. التار بيكتر في البلد.. ولا عشان مش من العشيرة يموت 50 بنت وولد


• 
  الناس غلابة وحقهم يحلموا يعيشوا في أمان.. غلق المواقع له أوان.. صدقني يا سيادة الرئيس.. الأولي غلق المزلقان !