|
بأشكال وتصميمات مختلفة ظهرت فى الفترة الأخيرة دبابيس تصلح لأن تكون إكسسوارات للفتيات، وجه ضاحك وآخر حزين أبرز الأشكال المتداولة حاليا لهذه الدبابيس التى باتت جزءًا أساسيا من شخصيات الكثيرين، فأصبح اختيار الدبوس ليس عشوائيًا بل معبرًا عن الحالة النفسية للشخص أو الرسالة التى يحب أن يوجهها للجميع.
أحمد على أحد باعة الدبابيس فى منطقة الحسين يقول لـ"اليوم السابع": "الدبابيس دى كانت موجودة من فترة طويلة، والناس حبتها قوى وخصوصا الستات والبنات بيحبوا يلبسوها ويعلقوها على الشنط، بس من فترة كانت الأشكال قليلة جدًا دلوقتى بقى فى أفكار وأشكال أكتر، أنا ووالدى بننفذ أفكار كتير جديدة بس بيكون عشان الزبون عايزاها، يعنى أنا كل أسبوع أجمع الطلبات بتاعة الزباين وأعملها مرة واحدة".
يضيف، "أنا بصراحة شايف إنها حلوة وشيك، وأنا كمان هنا ببدع فيها وبالذات فى الألوان عشان تخلى العين تجرى عليها"
|
