تامر حسني يطالب المصريين بالتبرع بالدم لدخول موسوعة جينيس
الثلاثاء 19 january 2016 09:34:00 مساءً
أطلق الفنان تامر حسني مبادرة عبر صفحته علي موقع التواصل الاجتماعي "فيس بوك" للتبرع بالدم يوم 23 فبراير المقبل.
وكتب تامر حسني: "لو يوم ٢٣ فبراير اتبرع بالدم ١١٠ ألف شخص فى يوم واحد اولا سننقذ حياة ٣ مليون و ٣٠٠ الف شخص بين مريض او مصاب.. ثانيا سنقلل الفجوة الموجودة بين الاحتياج الفعلى للتبرع بالدم والمتاح حاليا من متبرعين وستسجل مصر رقم قياسي يدخلها موسوعة جينيس".
وأضاف حسني: "كلي ثقة ان شبابنا هيعدوا الرقم ده وبكتيييييير وياسلام لو كل الجامعات ومدارس الثانوي اتحدوا وخرجوا اليوم ده يتبرعوا اكيد هنسجل رقم تاريخي يلا يا شباب والله ولادنا وأهالينا محتاجين الدعم ده وكل حد فينا مُعرّض لاقدر الله انه يحتاج دم لنفسه او لحد من أهله لازم يلاقي".
واختتم كلماته قائلا: "والله فيه ناس كتير من أهالينا كل يوم بيموتوا عشان معندناش اكياس دم كفاية بعد الحملة دي هنكون انقذنا ارواح أطفال كتير وشباب وناس كتير اوي فوق ما نتخيل وهنكون تصدقنا بصدقات جارية طول حياتنا فأرواح إخواتنا محتاجين استحلفكم بالله يا شبابنا ان نتحد ف اليوم ده وربنا يحفظ مصر وأولادها".
وكان تامر قد شارك اليوم في مبادرة "نبض الحياة" للتبرع بالدم بمقر المركز الإقليمي لخدمات نقل الدم وتم تكريم حسني بصفته سفير خدمات نقل الدم.
