تعرضت إحدى السيدات القاطنات في التجمع الخامس لموقف لا تُحسد عليه عندما كانت تستحم فور الانتهاء من التمرينات بإحدى صالات الجيم المشهورة، حيث قامت إحدى العاملات بفتح باب الحمام عليها ورؤيتها عارية تمامًا من ملابسها للتأكد من كون البخار مفتوحًا أم مغلقًا.
وتقول السيدة: "امبارح حصلى موقف يعتبر اكتر حاجة مقرفة ومحرجة حصلتلى فى حياتى ...بعد ماخلصت الساونا والsteam فى"XXX" جيم ...اسمع صوت الست اللى بتمسح المكان بتزعق وبتقول ماحدش يسيب باب الستيم مفتوح ..مين اللى عمل كده واذا بيها تفتح عليا بابالشاور وانا عريانة وتكمل كلام وشخط...ماحستش بنفسى الا وانا بصوت وبشتم...انهرت وهددتهم انى حااجيب البوليس".
وتضيف: "طبعا كل الناس بقوا يهدونى والادارة والمدربات بقوا يعتذروا والمديرة حددت معايا معاد النهارده عشان تعتذرلى...بس انا لحد دلوقتى مش مصدقة واحساسى بالقرف مش قادرة استحمله...الواحد حاول والله يعزل نفسه ويبعد على قد مايقدر مش عنصرية ولاتعالى بس الواحد بيدور على آدميته.. سكنا فى التجمع عشان نبعد ونريح دماغنا واشتركت جيم المفترض انها من احسن الأسماء وبردوا مافيش فايدة".
وأنهت كلامها: "فى مصر خليك عارف مكانتك الاجتماعية او فلوسك او تعليمك مش حماية فى لحظه ممكن حرفيا تتعرى".
وانهالت التعليقات على السيدة لمواساتها، فيما اختلفت الآراء بين مؤيد لضرورة معاقبة العاملة المتسببة في هذا الموقف، ودعوة أخريات للسيدة بالعفو والصفح عنها.
